KUMBEL PRO
Шеберлікті жетілдіреміз. Әйелдерді дамытамыз.
Бағдарламаның басталу күні: 2019 жылғы қаңтар
Бағдарламаның мақсаты
Жобаның мақсаты – техникалық және кәсіптік білім беру (ТжКБ) педагогтерінің кәсіби дағдыларын, оқыту тәжірибесін және кәсіби ынтасын дамыту. Мақсатты іс-шаралар мен кешенді кәсіби даму арқылы жоба ТжКБ педагогтерін өз қызметін тиімді жүзеге асыруға қажетті құралдармен және құзыреттермен қамтамасыз етіп, оқыту сапасын арттыруға және білім алушылардың оқу нәтижелерін жақсартуға бағытталған.
ТжКБ педагогтерінің кәсіби қажеттіліктері мен сұраныстарын ескере отырып, жоба Қазақстандағы ТжКБ саласының барлық педагогтерінің кәсіби өсуі мен табысты дамуына ықпал ететін қолайлы әрі қауіпсіз білім беру ортасын қалыптастыруды көздейді.
Мақсатты аудитория
- ТжКБ ұйымдарының педагогтері;
- өндірістік оқыту шеберлері;
- жалпы білім беретін және арнайы пәндер оқытушылары;
- әдіскерлер;
- психологтер;
- колледж басшылары;
- ТжКБ ұйымдарының әкімшілік қызметкерлері.
«Эмоционалдық интеллект және күйіп кетудің алдын алу: Қазақстанның ТжКБ жүйесіндегі ресурстық педагог» курсының құрылымы мен оқу жоспары
Ұзақтығы: 2 ай
Оқыту форматы: онлайн
Оқыту тілдері: қазақ және орыс тілдері
Бағдарламаның жалпы көлемі: 80 академиялық сағат
Аккредитация: Бағдарлама Қазақстан Республикасы Оқу-ағарту министрлігімен аккредиттелген және біліктілікті арттыру туралы мемлекеттік үлгідегі сертификат беріледі.
Бағдарлама екі тректен тұрады.
1-трек — Онлайн оқыту
Бағдарлама келесі 10 бөлімнен тұрады:
- Эмоционалдық интеллект: тиімді өзара әрекеттестіктің негізі
- Кәсіби күйіп кету: тану және алдын алу
- Жеке ресурстарды басқару
- Жеке шекараларды сақтау
- Эмпатия және студенттерді қолдау
- Қақтығыстар мен күрделі мінез-құлық: эмоционалдық қажудан сақтану
- Әріптестерді қолдау және командалық орнықтылық
- Тиімді коммуникация және кері байланыс
- Эмоционалдық интеллектке негізделген оқыту
- Педагог – тәлімгер және өзгерістердің бастамашысы
2-трек — Практикум
Практикум бағдарлама қатысушыларына оқу барысында меңгерген білімдерін, біліктері мен дағдыларын тәжірибеде қолдануға және көрсетуге мүмкіндік береді. Бұл үшін қатысушылар өздерінің ТжКБ ұйымдарындағы әріптестеріне арналған тренингтерді өздері әзірлеп, өткізеді.
Бағдарламаны толық аяқтаған әрбір қатысушы курс тақырыптарының ішінен өзіне ұнаған бағыттар бойынша әріптестеріне арналған екі толыққанды тренинг өткізеді.
Практикум қатысушылардың алған білімдері мен дағдыларын нығайтып қана қоймай, олардың кәсіби дамуына жаңа мүмкіндіктер ашады. Сонымен қатар, бағдарламаға тікелей қатыспаған педагогтерге де жобаның оң әсерін таратуға ықпал етеді.
Менторлардың рөлі
Менторлар курс қатысушыларына жеке қолдау көрсетіп, тұрақты кері байланыс береді және практикумды дайындау мен өткізу барысында бағыт-бағдар береді. Бұл оқу нәтижелерінің сапасын арттыруға мүмкіндік береді.
Оқу нәтижелері
Бағдарламаны аяқтағаннан кейін педагогтер:
- эмоционалдық интеллект құрылымын түсінеді және оның элементтерін педагогикалық қызметте қолданады;
- кәсіби күйіп кетудің белгілерін анықтап, оның алдын алудың тиімді тәсілдерін қолданады;
- кәсіби жүктеме жағдайында өзін-өзі реттеу және ішкі ресурсты қалпына келтіру стратегияларын меңгереді;
- кәсіби қарым-қатынаста жеке шекараларын қалыптастырып, сақтай алады;
- өздерінің эмоциялық тұрақтылығын сақтай отырып, студенттерге эмоциялық қолдау көрсете алады;
- колледж студенттерінің жас және эмоциялық ерекшеліктерін ескеретін оқыту тәсілдерін қолданады;
- оқу үдерісінде эмоциялық тұрғыдан қауіпсіз орта қалыптастырып, студенттердің ынтасын қолдау мен мойындау арқылы арттырады;
- өз колледжінде өзара қолдау көрсететін кәсіби қауымдастықтың қалыптасуына үлес қосады;
- эмоционалдық интеллектке негізделген оқу тапсырмалары мен сабақ элементтерін әзірлеп, жүзеге асырады;
- өз білім беру ұйымында эмоциялық көшбасшылық пен орнықтылық қағидаттарын насихаттайды.
Серіктестер
Қазақстан Республикасы Оқу-ағарту министрлігі
Ustaz.PRO
Бізге жазылыңыз! 
: kumbelpro_kz
